కరొనా పద్య పంచకం

కరోనా పద్య పంచకం

• 1) తల్ల డిల్లె తల్లి పిల్లలాకలిజూసి
  తండ్రి కేమొ పనులు తరిగి పోయె
  చావు గొరకు వారు జపములే జేయంగ
  కరుణ జూప వమ్మ కరొన నీవు
  

  2) నడచి నడచి కాళ్లు నగరాలు దాటంగ
  ఆక లనుచు నోళ్ళు ఆవి రాయె
  వలస కూలి బతుకె వాడెను ఎండలో
  కరుణ జూప వమ్మ కరొన నీవు
  

  3) నెలలు నిండి నట్టి నిండు చూలాలికి
  పురుడు కొరకు జూడ పుడమి పైన
  చోటె లేక కుమిలి కాటికి చేరంగ
  కరుణ జూప వమ్మ కరొన నీవు
  

  4) భాగ్య మైన యట్టి భారత దేశంబు
  యెప్పు డెరుగ నట్టి ముప్పు తోటి
  ఎంతొ జిక్కి పోయె వింత రోగముజేత
  కరుణ జూప వమ్మ కరొన నీవు
  

  5) బయట కెళ్ళు దమ్ము బలహీన మాయెను
  ముక్కు కేమొ గుడ్డ ముఖ్య మాయె
  దూర మొకటె జనుల తోడుగా నయ్యెను
  కరుణ జూప వమ్మ కరొన నీవు

Pages:

• <<

  >>

తెలుగులో విజ్ఞానం

రచన : వంశీకృష్ణ కాసులనాటి

రచన : వంశీకృష్ణ కాసులనాటి