వుద్యోగి

వుద్యోగి-కష్టాలు

• 1)చదువులె పూర్తయి నవనుచు
  వెదకగ వుద్యోగమొకటి వెడలితి పట్నం
  వదలని కృషితో వచ్చెను
  పదిలంబగు కొలువనుచిక పదుగురు పొగడెన్
  

  2)తెలిసెను గదపట్నమనిన
  తెలిసెను మనుషుల కుతంత్ర తేనెల పలుకుల్
  తెలిసెను కాలుష్యమనిన
  తెలిసికొనుచు మదిలొరేగె తెలియని బాధల్
  

  3)అద్దెకు యింటిని వెదుకుట
  ఎద్దుకు యెదురెళ్ళి కళ్ళె మెయ్యుట తీరున్
  వృద్దుల పరుగుల పందెము
  నిద్దుర నందున కలిగెడి నిజమను కలలున్
  

  4)గతుకుల దారిలొ పయనమె
  మెతుకులు తినుటకు సమయమె మెదలని పనిలో
  వెదికిన దొరకదు సుఖమిక
  బతుకుదెరువు గొరకుననేనె బలియై తినిరా
  

  5)తప్పని జెప్పే నొక్కడు
  ఒప్పని యింకొకడు పలికి ఒత్తిడి దెచ్చున్
  చెప్పుకొనిక తప్పుకొనగ
  తప్పించే జనులులేక తనువిక కృంగెన్
  

  6)గజిబిజి బతుకున సాగెడి
  మజిలీలో మనసువిరిగి మౌనమె మిగలన్
  భజియింపగ దైవంబును
  రుచిబెంచగ బతుకుకు తనరూపమె జూపెన్
  

• 7)కన్నులతో మాటగలిపి
  వన్నెల వయ్యారి నడుమె వలనే వేసెన్
  చిన్నని పెదవులు జేసిన
  సన్నని చిరునగవుదోటి సర్వము దోచెన్
  

  8)పక్కనె తోడై నడువగ
  దిక్కులనే దాటిమనసు దివిలో నిలచెన్
  మిక్కిలి సంతస మందున
  వుక్కిరి బిక్కరితొ వయసె వురకలు వేసెన్
  

  9)సతియే తానని నాకిక
  పతియై గాపాడుకొనుచు బతికెద యనినా
  మదినే పంచగ తానిక
  బదులే యివ్వక విడువగ ప్రశ్నలె మిగిలెన్
  

  10)తననడుగక నేనెరుగక
  మనువా డెదనని తలచితి మనసున తననే
  కనుగొనక మగువమనసును
  కనులుగనిన నదియెనిజము కాదని తెలిసెన్
  

  11)నచ్చిన నెచ్చెలి దొరకక
  హెచ్చగు యాలోచనలతొ యెదలో బాధే
  వెచ్చని కన్నీ రవుతూ
  వచ్చును తోడయ్యి నీకు వలదని యన్నా
  

  12)చాలుము చాలుమని మనసె
  గోలను చేయగ వినియిక కోర్కెలు బుట్టే
  మూలమె కనుగొని నడిచిన
  కాలమె నీవెనుక యుండు కడవర కైనన్

Pages:

• <<

  >>

తెలుగులో విజ్ఞానం

రచన : వంశీకృష్ణ కాసులనాటి

రచన : వంశీకృష్ణ కాసులనాటి